بین الاقوامیقومیکھیل

ٹویٹر پر شاہد آفریدی اور گوتم گمبھیر میں پھر سے جنگ چھڑ گئی

کرکٹ کے میدان پر پرانے دشمن اب ریٹائرمنٹ کے بعد بھی آمنے سامنے ہو گئے۔ پاکستان کرکٹ ٹیم کے سابق کپتان شاہد آفریدی اور بھارتی ٹیم کے سابق بلےبازاور بی جے پی کی جانب سے لوک سبھا کے رکن گوتم گمبھیر ایک بار پھر سے ٹویٹر کے محاذ پر آمنے سامنے آ گئے ہیں۔

شاہد آفریدی نے اپنے ٹویٹر پیغام میں لکھا تھا کہ کل سب لوگ کشمیر سے یکجہتی کے لیے باہر نکلیں۔ ميں جمعہ کو بارہ بجے مزار قائد جاؤں گا۔ کشمیری بھائیوں سے اظہار یکجہتی کے لئے سب میرے ساتھ شامل ہوں۔ انہوں نے یہ اعلان بھی کیا تھا کہ وہ بہت جلد کنٹرول لائن کا دورہ بھی کریں گے۔

اس پر بھارتی کرکٹر گوتم گمبھیر تلملا اٹھے اور شاہد آفریدی کی تصویر اپلوڈ کر کے طنزیہ الفاظ میں کہا کہ دوستو! اس تصویر میں شاہد آفریدی، شاہد آفریدی سے ہی پوچھ رہا ہے کہ اسے شاہد آفریدی کو بےعزت کرنے کے لیے کیا کرنا چاہیے؟ اس سے ثابت ہوتا ہے کہ شاہد آفریدی سمجھدار ہونے سے انکاری ہیں۔

اس کے ردعمل میں شاہد آفریدی نے بھی گوتم کی تصویرٹویٹ کرتے ہوئے کہا کہ جب بھی گوتم اپنے آپ کو متعلقہ بنانے کی کوشش کرتے ہیں مجھے یہ یاد آ جاتا ہے۔ تصویر میں گوتم کے بارے میں ان کے سابق کوچ کی رائے شامل تھی جو کہ کافی منفی تھی۔
https://twitter.com/SAfridiOfficial/status/1166758177544818691

آپ کو بتاتے چلیں کہ دونوں کرکٹرز اس سے پہلے بھی ایک دوسرے کو سخت جملوں کا نشانہ بناتے رہے ہیں۔

Comment here

379,066Subscribers
8,414Followers